USA ka mister ang mitugpa sa tambalanan human gidunggab sa iyang misis kay namugos pagbasa sa text messages sa iyang cellphone alas 8 sa gabii niadtong Lunes, Enero 30.

Mitugpa sa Southern Philippines Medical Center si Ramil (bansagon gitago sa SuperBalita), 30, residente sa Barangay Coronon, Sta. Cruz, Davao del Sur.

Si Ramil dunay samad dinunggaban sa likod ug kilid sa lawas dihang gihansakan og kutsilyo sa misis.

Gituohan sa bana nga dunay gitago nga sekreto ang iyang asawa maong nasuko siya dayon gibasa ang mga mensahe.

Ang biktima padayong gitambalan sa ospital ug wa na mipasaka og pormal nga reklamo sa iyang asawa.