IPATAWAG sa kagamhanan sa dakbayan sa Sugbo ang mga building administrator sa tag-as nga edepisyo nga nagbase sa dakbayan aron sayran ang ilang mga contingency plan sa panahon nga adunay emerhensiya.

Kini ang gibutyag ni acting Mayor Edgardo Labella human sa grabeng pagsulbong sa tag-as nga mga estruktura sa siyudad nga gilangkuban sa condominiums, hotels ug mga edipisyo sulod sa Cebu IT Park.

Si Labella nagkanayon nga ilang gituyo ang maong programa kansang miting ipahigayon sa Martes sunod semana niingon nga human niigo ang 6.9 magnitude nga linog, bagyong Yolanda niadtong 2013 ug ang kanunayng risgo sa sunog.

Si Labella niingon magbayloay sila og mga ideya uban sa local disaster risk reduction management offices.