ADUNA na’y napilian ang Chicago Bulls aron ihulip sa gipalagpot nilang headcoach nga si Tom Thibodeau, matod sa usa ka kasaligang tinubdan.

Gitumbok mao si Fred Hoiberg sa Iowa State, kinsa taodtaod na sab nga gihugonhugonan nga maoy kuhaon sa Bulls.

Ang tinubdan mihangyo sa AP News nga dili magpaila tungod kay wala pa na-finalize ang kontrata kabahin sa pagtapon ni Hoiberg sa Bulls.

Gilauman nga karong adlawa mopagawas og opisyal nga pamahayag ang Bulls kabahin niini.

Sa iyang paggiya sa Iowa State Cyclones sa NCAA, si Hoiberg adunay 115-56 nga rekord diin naagak niya ang team sa back-to-back Big 12 tournament titles.

Sa wala pa siya milarga sa Chicago aron makignegusasyon sa Bulls management, giang­kon ni Hoiberg nga adunay pipila ka teams ang ningpadayag og interes kaniya.

“When this opportunity came about, this was something that interested me greatly,” pagtino ni Hoiberg. (AP)