PATAY ang usa ka security guard human gitabangan og sukmag dihang dugay nga mihatag og sigarilyo niadtong niaging adlaw sa Dakbayan sa Malaybalay, Bukidnon.

Giila ang biktima nga si Vicente A. Tahanlangit, kinsa nagtrabaho isip security guard sa Amigas Investigation Security Agency nga nadestino sa First Community Cooperative, Aglayan Branch.

Sa inisyal nga imbestigasyon sa Malaybalay City Police Office, nasuta nga ang biktima igo lang mipalit og sigarilyo sa usa ka tindahan dihang miduol ang usa ka Mitchel P. Jamago aron mangayo og sigarilyo sa biktima.

Tungod kay taod-taod nga wala makahatag ang biktima samtang naghulat sa iyang sukli, nasuko si Jamago ug deretso niining gisukmag ang biktima.

Tungod usab kay nakita kini sa higala ni Jamago nga si Jean Pierre, miapil kini sa pagsukmag sa biktima ug gitabangan kini.

Daling gidala ang biktima sa Bukidnon Provincial Hospital apan gideklarar kining dead-on-arrival tungod kay nakaangkon kini og Intra-cerebral Hemorrhage human grabe ang bun-og sa ulo nga naangkon.

Si Jean Pierre human sa insidente ang boluntaryong mitahan sa barangay kapitan sa dapit samtang misibat si Mitchel nga padayon pa nga gipangita sa kapolisan. (SVB)