MATAG adlaw’ng Biyernes na masaksihan ang “Farmer's Market” sa Captol Grounds kon hawanan sa kapitolyo ning dakbayan sa Cagayan de Oro.

Tungod niini, gidapit ni Misamis Oriental Provincial Agriculture Officer Dr. Benjamin Resma ang katawhan sa lalawigan sa Misamis Oriental sa pagbisita sa Farmer's Market matag-adlaw’ng Biyernes nga gilusad naidtong adlaw’ng Biyernes.

Kini inisyatiba mismo ni Governor Bambi Emano nga himuon kini matag adlaw’ng Biyernes aron mapaabot sa mga mag-uuma ug ma-display ang ilang mga abot gikan sa ilang tagsa-tagsa ka mga umahan.

Gibutyag ni Resma nga preskong mga utanon, mga processed foods, itlog, oolong tea ug daghan pa ang mapalit matag adlawng Biyernes.

Giawhag ang tanan sa pagbisita ug pagpalit sa labihan kaayo kabarato nga presko pa kaayo gikan sa umahan nga mga utanon, mga prudokto nga gikan ug ginama pa sa nagkadaiyang lungsod sa Misamis Oriental. (SVB)