GIBUKSAN sa Hainanese Delights Barbeque and Hainansese Chicken rice restaurant ang ilang labing una ug bag-ong gi-relocate nga branch sa siyudad sa Sugbo niadtong Sabado, alas 9:00 sa buntag sa Parkmall, Reclamation Area, Ouano Ave, siyudad sa Mandaue.
Ang Hainanese Delights Barbeque and Hainansese Chicken rice restaurant, gipanag-iya sa pamilyang Verar, unang nibukas sa unang sanga sa Sugbo niadtong tuig 2013 sa Robinson Cybergate, Don Gil Garcia St, dakbayan sa Sugbo, apan gibalhin kini sa Parkmall sa Mandaue, human sa upat ka tuig gikan sa iyang pagkahimugso sa Sugbo.
Ang maong restaurant nagtanyag og unlimited rice sa nailhan nilang Singapore's Hainanese rice.
Aduna kini 15 ka mga sanga sa tibuok Pilipinas. Ang sanga sa Parkmall maoy bugtong nga kan-anan nila sa Sugbo.
Gipaabot nga dagsaon kini sa mga langyaw ug lokal nga kustomer. Nailang 'pocket friendly'. Lamian ug maabot ang mga presyo sa pagkaon nga swak sa budget sa kustomer gikan sa P80.00 hangtud sa P190.00. Mhike Dominique C. Fernandez ug Diana Grace G. Pila, USJ-R BA