GIPASABOT ni Cagayan de Oro City Police Director Ronnie Francis Cariaga nga adunay regular nga hulga nga gakadawat sama sa pagpamomba ang ilang buhatan.

Kini human migawas ang mga report nga adunay mga text nga daw adunay himoun nga mga pagpangatake ang mga teroristang grupo sama sa Maute group.

Matud ni Cariaga nga nadawat kini nila nga inpormasyon apan gikakurat nganong niabot sa media kini tungod kay iyang gikabalaka nga maghatod og kabalaka sab ngadto sa katawhan.

Ang maong report ilang gi-validate og maayo ning panahona labina sa mga operatiba sa intelligence group.

Dugang niini nga regular nga aduna silay gakadawat nga mga hulga pinaagi sa text ug tanan wala nila gibalewala. Gihimoan usab kini nila og mga aksyon ug prevention nga dili gayud mahitabo.

Gipanawagan lamang niini ang katawhan nga dili angayan mahadlok apan magbinantayon lamang sa palibot. (SVB)