GIHULAGWAY ni Gob. Hilario Davide III nga insulto sa Sugbo ug sa mga Sugbuanon ang gihimong paglabay g basura sa nasud sa South Korea dinhi.
Alang sa gobernador, kinahanglang manubag niini ang maong nasud ug mga awtoridad nga nitugot niini.
Nadiskobrehan ang paglabay sa mga basura gikan sa South Korea human nireklamo sa kabaho niini ang mga residente sa brgy. Tingub sa siyudad sa Mandaue. Diha lang kini gitapok sa usa ka pribadong luna.
Naglibog si Davide nganong kinahanglang moabot pa dinhi sa Sugbo ang maong mga basura nga dili man kini gikan dinhi. Matod niya, bisan gani ang Sugbo naglisud man sa disposal sa kaugalingon nga basura niini.