USA ka Lakad Tokhang ang ipahigayon sa kapulisan sa Police Regional Office (PRO)-Northern Mindanao karong adlawng Sabado.

Matud ni Superintendent Lemuel Gonda, tigpamaba sa PRO)-Northern Mindanao, nga nationwide ang paglusad niining gitawag nga Lipulin At Kalampagin Ang Droga (Lakad) Tokhang.

Tinguha niini aron mahatagan og awareness ang katawhan sa epekto sa ginadili nga druga ug pag-awhag sa mga partisipante nga aktibong molambigit sa kampanya batok ginadili nga druga.

Matud ni Gonda nga gihimo kini tungod kay aduna na usab mga negatibo nga mga report kalabot sa oplan tokhang nga gikahadlokan na hinoun sa pipila gumikan daw adunay mga katungod nga nayatakan apan walay kamatouran niini.

Gikatakda kining walk for peace kon Lakad Tokhang karong umaabot adlawng Sabado sa alas 2 sa hapon nga magsugod sa Rodelsa Circle-Velez St paingon sa RN Abejuela-Corrales pawala sa T. Neri ug motapos sa Kiosko Kagawasan alang sa usa ka programa.

Imbitadong mamumolong mao so Monsignor Rey Manuel Monsanto kinsa presidente sa Archdiocese sa Cagayan de Oro ug si Philippine Drug Enforcement Agency (PDEA) Regional Director Wilkins Villanueva ug Cagayan de Oro Mayor Oscar Moreno.

Laumang tambongan kini sa kapulisan, kasundalohan, opisyales sa barangay ug uban ahensya.