GITUNOLAN ang magsu­ong sila si Pau ug Marc Gasol sa Spain sa Princess of Asturias award alang sa paugnat sa kusog gumikan sa ilang malampusong basketball career sa National Basketball Association (NBA) ug sa pa­dayon nilang pagserbisyo sa publiko.

Ang award foundation mi­pasidungog kang Chicago Bulls center Pau, 34, ug sa iyang manghod nga si Memphis Grizzlies center Marc, 30, isip extraordinary sportsmen gu­mikan sa ilang naabot sa bas­ketball ug sa ilang mga nahimong social works.

“The two brothers were living legends in the world’s leading basketball league who are considered role models of sporting values,” pamahayag sa award foundation.

Ang 50,000-euro ($54,000) award usa sa walo ka mga ganti nga ipanghatag sa award foundation nga gipahinungod alang kang Crown Princess Leonor.

Ang ubang mga kategoriya naglakip sa arts, literature ug scientific research.

Ang pasidungog pormal nga tinuol sa usa ka kalihukan nga pangulohan ni King Felipe nga i-broadcast live sa tibuok Spain karong Oktubre.

Ang magsuon, nga pare­hong natawo sa Spain, nag­tukod sa Gasol Foundation ni­adtong 2013 nga nag-promote sa physical activity ug healthy eating habits sa schoolchildren sa United States ug Spain.

Naagak sa magsuon ang Spain ngadto sa world title ni­adtong 2006 ug European title niadtong 2009 ug 2011. (AP)