NAKUHA ni Miss Ecuador Katherine Espin ang Miss Earth 2016 nga gihimo sa nasud niadtong Sabado sa gabii, Oktobre 29.

Usa ka model ug cosmetologist ang 23-anyos nga beauty sa Ecuador diin nahimong bentaha niya sa pagdaug ang pag-awhag sa mga estudyante ang ka-importansya sa pag-amuma sa palibot o kinaiyahan.

Gisundan ni Espin si Filipina beauty queen Angelia Ong nga maoy Miss Earth 2015.

Nakuha sab ni Michelle Gomez sa Colombia ang Miss Earth Air, Stephanie De Zorzi sa Venezuela isip Miss Earth Water, ug Miss Bruna Zanardo sa Brazil isip Miss Earth Fire.