GIKLARO sa Miss Universe 2016 nga si Iris Mittenaere sa France nga usa siya ka tinoud nga babae ug dili tomboy susama sa migawas nga report.

Kini human daghan sa mga netizen ang nagtou human viral sa social media ang hulagway niini kauban ang usa ka babae.

Gihatagan og kolor sa nagkalain laing online publications ug netizens ang mga hulagway ni Iris kauban si Camille Cert, nga nailang pageant sister niini.

Gikan sa Instagram accounts sa maghigala ang mga hulagway nga gihatagan og malisya.

"Camille is my best friend and I love my boyfriend Matthieu. I really love her, but I am not with her. She is not my girlfriend," matud sa French beauty queen sa GMA News.

Ang gipasabot nga uyab ni Iris mao si Matthieu Declercq nga usa ka doctor kinsa niuban og tan-aw niini sa Miss Universe pageant sa Pilipinas niadtong January 30.

Basi sa mga Instagram post ni Matthieu, usa kini ka proud boyfriend sa iyang beauty-queen girlfriend. (SVB)