HUMAN sa “Die Beautiful” ug “Wonder Beki,” makita na sab natog balik ang Paolo Ballesteros sa susama gihapong papel isip bading, pero may mahitabong twist.

Ang iyang leading lady sa “Amnesia Love” sa Viva films ang sexy actress nga si Yam Concepcion.

Una silang nagkauban sa pelikulang “Bakit lahat nang guapo may boyfriend” ni Anne Curtis.

Ang mahitabo sa Amnesia Love kay nakit-an kini si Paolo nga way kalibotang gidagsa sa baybayon sa usa ka isla, unya kay wala man kini mahinumdoman sa iyang kaugalingon maski ngalan niini maong gisagop siya sa magtiayong nakakita niya.

May dalaga kining anak ug sa pagkasood sa duha may romansang mahitabo. Ang problema lang kay dili siguro ang lalaki sa iyang gibati ngadto sa girl, labi nag makasugat o makakita kini ug mga macho ug guapong lalaki, molubad ug molutaw ang iyang pagka-beki.

Dinhi na magsugod ang mga alegreng eksena sa “Amnesia Love”. Makauban nilang Paolo ug Yam silang Maricel Morales, Lander Vera Perez, Vandolph Quizon, Sinon Loresca, Geleen Eugenio ug Polo Ravales sa direksyon ni Albert Langitan, showing na karong Pebrero 28, ay’g saba!

Daghan nang fans sa “Jadine” ang nag-atang sa ilang pelikulang “Never Not Love You” sa Viva films. Gamay na lang kunoy kuwang ug ready na ning ipagawas nga gi-shoot pa sa Uropa. Duna say solo launching movie si James Reid, ang Pedro Penduko nga leading niya si Nadine.

Human sa kalampusan sa Jadine concert nga Revolution sa Smart Araneta Coliseum, nakaseguro ko nga duna pa ni repeat performance. Ayg saba.