ANG Philippine Drug Enforcement Agency (PDEA)-Davao Region mipakusog sa ilang kampanya kontra druga human gisangon kanila ang operasyon kapulisan sa nasud.

Sa ilang pagpakusog, gilusad nila ang drug bust sa alas 9:50 sa gabii niadtong Biyernes sa 22-1, Carnation Street, Buhangin, dakbayan sa Davao.

Nasikop mao si Joevanni Remollo Oca, alyas Vannie, 39, minyo ug residente sa maong lugar.

Nakuha kanila ang usa ka pakiteng shabu nga nagkantidad P12-mil, paraphernalia, ug marked money.

Gipaabot karon sa suspek sud sa PDEA detention facility ang pagtaral sa iyang kasong paglapas sa Republic Act 9165 kun Comprehensive Dangerous Drugs Act of 2002.

Ang PDEA naghangyo karon sa katawhan nga tabangan sila pagpaniid sa kalihukan sa ilang mga silingan nga nalambigit sa ilegal nga druga.