DUMAGUETE CITY - Patay ang usa ka security guard sa Universal Robina Corporation (URC) human gipusil sa wala mailang mga suspek niadtong miaging adlaw.

Ang insidente nahitabo mga alas 12:00 sa tungang kaadlawon didto sa lungsod sa Santa Catalina.

Ang biktima giila nga si Rolly Navarro, 31, ulitawo ug mulop­yo sa Barangay Maninihon, dakbayan sa Bayawan.

Ang imbestigasyon sa kapulisan nagtumbok nga ang biktima padung kini motrabaho isip sikyu sa URC.

Padung na unta musod sa compound sa URC apan kalit kini gipusil sa wa mailang suspek.

Way nakasaksi sa hitabo apan sumala sa mga mulupyo sa lugar nga igo lang sila nakadungog og lima ngadto sa unom ka buto-buto sa pusil ug wa nila makita ang mga suspek.

Gidali pagdala sa Bayawan District Hospital apan gideklarar kining patay na sa pag-abot sa tambalanan.

Miawhag ang kapulisan nga kon kinsa ang nakasaksi sa pagpamusil ang motin-aw sa ilang buhatan aron masulbad ang kaso.