VILLABA, Leyte - Dead on arrival ang usa ka 27 anyos nga lalake human gipusil sa wa mailhing gunman, mga alas 11:30 sa gabii niadtong Dominggo.

Ang biktima giila nga si John Nilo Latoy, 27, giingong naglingkod sa gawas sa ilang balay sa Barangay Fatima, lungsod sa Villaba dihang gihunongan kini sa criminals riding in tandem.

Matod ni SPO3 Naicito Macasusi nga dunay upat ka samad pinusilan ang biktima kinsa gidala sa Villaba Community Hospital.

Upat usab ka basiyo sa kalibre .9mm nga pistola ang narekober sa kapulisan.

Giingong nag-bonnet ug sweat shirt og itom ang mipusil kang Latoy, wa mabantayi kon unsa ang gisul-ob sa drayber sa motorsiklo.