WALA gibalewala sa Cagayan de Oro City Police Office (Cocpo) ang migawas nga report nga adunay presensya sa mga sparrow unit sa dakbayan sa Cagayan de Oro.

Gibutyag ni Cocpo spokesperson Mardy Hortillosa nga wala kini nila gibalewala nga posibilidad apan wala gikumpirma sa kabalakang basin unya magmugna og panic sa katawhan sa dakbayan.

Dugang sab niini nga labihan ang ilang gipatuman nga seguridad ning panahona sa dakbayan labina sa entry ug exit point dinhi sa dakbayan diin mahitabo ang mga random checkpoint.

Anaa sab ilang presensya sa kabukiran ug pag-alerto gumikan kay daw dili na nila bout pa adunay mahitabo sa kapolisan, susama sa gipamatay nga sundalo sa Bukidnon.

Hinoun nanawagan si Hortillosa sa katawhan sa dakbayan nga magbinantayon ug magmatikod sa palibot ug kon adunay unusual nga namatikdan itaho sa ilang buhatan.