GIWAGTANG sila LA Tenorio, Jimmy Alapag, ug Calvin Abueva sa 12-man line-up sa Gilas Pilipinas niaging adlawa.

Rason sa Gilas nga gikinahanglan nila nga tag-as nga linya hinungdan gipulihan ang tulo nila ni Troy Rosario, Bobby Ray Parks, ug Ryan Reyes.

Aminado sab si Chot Reyes, ang media executive sa Gilas, nga nakuratan siya nga asta ang gianggaan nga “The Beast” nga si Abueva nawala sa linya.

Sa iyang pagbutyag sa Interaksyon sports, mas taas og lima ka inches si Rosario kang Abueva ug usa ka tiil kang Tenorio.

Anaa sa 6-foot-7 si Rosario, samtang si Abueva anaa sa 6-foot-2.

Gianunsyo sa kanhi Gilas captainball nga si Alapag ang kompleto nga linya nga apil sila Andray Blatche, Jayson Castro, June Mar Fajardo, Gabe Norwood, Japeth Aguilar, Ranidel de Ocampo, Terence Romeo, Marc Pingris ug Jeff Chan.