PADAYON ang pag-ubos sa ihap sa mga bag-ong kaso sa coronavirus disease (Covid-19) sa Cagayan de Oro human 10 ra ka mga residente ang mipositibo sa Sars-CoV-2.

Ang kinatibuk-ang sa mga kumpirmadong kaso sa dakbayan anaa na sa 3,913.

Matud sa City Health Office, sa 10 ka mga bag-ong mga kaso, usa returning overseas Filipino worker (ROF), upat ang mga local cases with link, upat ang mga local index nga mga kaso, ug usa ang patay.

Sa 3,913 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,490 ang mga local transmissions.

Aduna nay 134 ka mga aktibong kaso ang Cagayan de Oro diin 46 niini na-admit sa Northern Mindanao Medical Center ug uban pang mga ospital sa syudad, 87 ang mga outpatients, ug usa ang ROF.

Gawas niini, aduna sab natala nga walo ka mga pasyente nga naka-rekober na. Sa karon, anaa na sa 3,593 ang ihap sa mga nakarekober nga mga kaso sa dakbayan.

Sa maong numero, 302 ang mga LSIs, 119 ang mga ROFs, ug 3,172 ang mga lokal nga kaso (community: 2,682; Apors: 490).

Niabot sa 186 ang ihap sa mga namatay sa Covid-19 sa syudad.