DUHA ka mga lalaki nga giingong nagtagay sa lawasnong kalipay ang nasapon sa paglusad sa Oplan Galugad sa Valencia City Police Station sa Bukidnon.

Gibutyag ni Police Lieutenant Colonel Surki Sereñas, hepe sa Valencia City Police Office, nga lakip lang kini sila sa 94 ka mga indibidwal nga adunay kasupakan sa curfew ug pag-inom sa mga pampublikong lugar.

Sa 97, ang 27 ang menor de edad.

Samtang napriso ang usa ka Ronald Calva, 39, usa ka seaman, gumikan sa malicious mischief.

Arestado sab ang usa ka Joven Habasa, 30, usa ka lending collector human nakuhaan og duha ka hunting knife.

Ubay-ubay sab ka mga indibidwal ang nasapon sa lain-laing kasupakan sama sa upat ang ubos sa ilimnong makahubog, pito ang nagmaneho nga walay lisensya sa motorsiklo, upat sa pagsaba-saba sama sa pagpatukar og kusog nga music sa kagabhion, ug duha ang nasapon gumikan sa pagbitbit og hinagiban.

Detinado sila tanan sa Valencia City Police Station.