PANGUNAYAN ni Misamis Oriental Governor Bambi Emano ang pagtunol ngadto sa 100 ka mga fiber glass boats ngadto sa mga mag-uuma nga motambing sa flag raising ceremony Lunes, Hunyo 17.

Nangabot ang fiber glass wooden boats diha sa hawanan sa Kapitolyo Probinsyal nga moabot sa 100 kabouk, niadtong Huwebes, Hunyo 13.

200 ka mga mananagat ang makabenipisyo niini gikan sa 23 ka mga lungsod sa probinsya sa Misamis Oriental.

Ang maong mga bangka ang gipasalig kaniadto sa Bureau of Fisheries and Aquatic Resources (BFAR) nga nahatagan na og katumanan karong panahona nga makahatag og tabang sa panginabuhian sa mga mangingisda sa probinsya.

Gibutyag sa Provincial Agriculture Officer head nga si Apollo Pacamalan nga dako kaayo ni og tabang nga proyekto aron makakunhod sa poverty incidence sa lalawigan.

Unang niabot ang 32 units sa first batch niini ug gilauman nga dili pa matapos ang bulan sa Hunyo makumpleto na ang delivery process niini.

Matud sab ni Mary Joy Tac-an, ang BFAR-Misamis Oriental Provincial officer, nga paspas ang pagtubag karong tuiga sa panginahanglanon sa mga mangingisda diin moabot kini og P4.8 milyon nga motorized boats gikan sa Kapitolyo Probinsyal.