UNOM ang gidala sa Police Station 1 sa Divisoria human nasapon nga nanigarilyo sa pampublikong dapit niadtong Abril 23 sa Pabayo-Chavez streets, Barangay 5, dakbayan sa Cagayan de Oro.

Sa nahipos nga impormasiyon, gibutyag nga nagpahigayon ang elemento sa kapulisan og Oplan Salikop kauban ang mobile patrol unit hinungdan nga nasikop ang unom ka mga indibidwal.

Gibadlong kini sa mga otoridad ug gidala sa ilang buhatan ug gibuhian ra usab human nakapirma nga kini sila nasapon tungod sa pagpanigarilyo sa pampublikong dapit sa siyudad.

Nasayran nga buot sa dakbayan nga ipatuman ang smoke-free city ug gani gisugdan na sa pagbutang ang mga smoking area o mga dapit nga gitugotan sa pagpanigarilyo.