MGA 600 ka kilo nga hot meat ang nasakmit sa National Meat Inspection Service Regional Tactical Operations Center-Northern Mindanao team atol sa gipahigayon nga inspeksyon sa merkado sa Cogon, dakbayan sa Cagayan de Oro, sa 3:30 Miyerkules sa kaadlawon, Abril 24.

Sa nahipos nga impormasiyon gikan sa Police Station 2 sa Cogon, nagpatala si Dr. Niel Oliver Barradas, 29, membro sa inspection team kalabot sa maong insidente.

Giingong ang maong mga nagbaligya nagdumili sa paghatag sa ilang mga identipikasiyon.

Nakasupak ang maong mga nagbaligya niini sa Republic Act 10536 o meat inspection code of the Philippines ambulant vendors nga ilegal nga nagbaligya og giingong hot meat.