MOABOT ngadto sa 70 ka mga bata ang nakabenepisiyo sa gipahigayong "Libreng Tuli" sa Brigada Group of Companies adlawa’ng Sabado, Mayo 26, sa City Central School nga nahimutang sa Yacapin Velez St., dakbayan sa Cagayan de Oro.

Kini ang ika-tulong panghigayon sa libreng tuli nga gi organisar sa kompanya.

Kaabag sa nahisgutang kompanya ang mga representante sa Northern Mindanao Medical Center, Department of Health, 4th ID lakip na usab ang pagtugot nga gigahin sa ka-partner niining tunghaan.

Ang paghatag og tabang sa katawhan pinaagi sa pag-organisar sa libreng tuli mao ang tumong niining nasangpit nga kalihokan.

Usa kini sa mga tradisiyon sa nasangpit nga kompanya matag tuig ug lauman usab nga magpagbilin kining aktibo sa mga musunod nga katuigan. (Franck Dick A. Rosete, Phinma-COC intern)