MIABOT na sa 13,189 ang kinatibuk-ang ihap sa mga kumpirmadong kaso sa Covid-19 sa Cagayan de Oro human 78 ka mga residente sa dakbayan ang mipositibo sa novel coronavirus, sumala sa report sa City Health Office Huwebes, Agosto 5.

Sumala sa City Health Office, sa 78 ka mga bag-ong lokal nga kaso, 38 ang mga local index nga mga kaso, 22 ang mga close contacts sa mga pasyenteng nagpositibo sa coronavirus, pito ang mga lokal authorized persons outside residence (Apors), unom ang mga Apors with link, usa ang person deprived of liberty (PDL), ug upat ang mga patay.

Ang Cagayan de Oro adunay 1,783 ka mga active cases, 523 niini na-admit sa Northern Mindanao Medical Center ug uban pang mga ospital sa syudad, ug 1,260 ang mga outpatients.

Nakatala usab og 96 ka mga coronavirus-positive nga mga kaso nga karon naka-recover. Anaa na karon sa 10,836 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 570.