GITAWAG nga overacting ni Philippine Drug Enforcement Agency (PDEA)-Northern Mindanao director Wilkins Villanueva ang kanhi officer-in-charge sa Anti-Illegal Drugs Group nga si Police Senior Superintendent Eduardo Acierto.

Kini human namahayag og lakip nga adunay Chinese warehouse sa ginadili nga druga dinhi sa dakbayan sa Cagayan de Oro dungan sab sa pagbulgar niini sa drug matrix kon diin nga ang economic adviser ni Presidente Rodrigo Duterte nga si Michael Yang ug usa ka ginganlan niini nga si “Allan Lim” adunay kalambigitan sa ginadili nga pagpayuhot sa druga.

Wala kini gikalipay ni Villanueva tungod kay dugay na nga napuhag ang mga warehouse sa ginadili nga druga dinhi sa siyudad.

“Naku naman, overacting naman siya, 2005 pa yun, dugay na kaayo toa. Actually, I’m part of that group diha sa Bulua humana to nakasohan na ang dapat kasuhan. Huwag na i-recycle ang tagal na non kung meron ang taga dito na bat di niya kunin?” matud ni Villanueva sa mga media.

Hinuon pabilin ang ilang gihimong monitoring kalabot niining wala pay konpirmasyon nga report nga adunay presensya niini.

“May mga uncorfirmed reports tayo kaya iyon ang hinahanap natin kaysa sasabihin mo meron dito Diyos ko puntahan mo nga galing galingan ka na naman,” matud niini.

Samtang niaging semana human sa mga gipagawas nga pahayag ni Acierto nipagawas og pahayag ang Malacañang nga posibleng bout lamang makabalik ni Acierto sa pwesto human kini nalambigit niaging tuig sa balor bilyones nga shabu nga nakita sa magnetic lifters didto sa Cavite.

“Obviously the motive is, since he has been accused of involvement in drugs, he wants to get back, that’s why he is pointing fingers at whoever,” kini ang butyag ni Presidential Spokesperson Salvador Panelo.