MISAKA ang ihap sa mga aktibo nga kaso sa Cagayan de Oro human ang dakbayan mitala og 10 ka bag-ong kas sa Covid-19.

Miabot sa 4,210 ang kinatibuk-ang ihap sa mga kaso sa Covid-19 sa dakbayan, ug ang aktibo nga kaso anaa sa 193.

Matud ni Acting City Health Officer Dr. Lorraine Nery, sa 4,210 nga kinatibuk-ang kaso sa Covid-19, 431 niini mga ROFs/LSIs ug 3,779 ang mga local transmissions.

Ang Cagayan de Oro adunay 193 ka mga active cases, 50 niini na-admit sa Northern Mindanao Medical Center ug uban pang mga ospital sa syudad, 138 ang mga outpatients, ug lima ang mga ROFs/LSIs.

Nakatala usab og lima ka mga coronavirus-positive nga mga kaso nga karon naka- recover. Anaa na karon sa 3,818 ang ihap sa mga nakarekober nga mga kaso sa dakbayan.

Sa maong numero, 303 ang mga LSIs, 121 ang mga ROFs, ug 3,394 ang mga lokal nga kaso (community: 2,870; Apors: 524).

Ang ihap sa mga namatay sa Covid-19 sa syudad naa sa 199.