UPAT ka mga samad pinusilan maoy hinungdan sa kamatayon sa usa ka barangay kapitan sa lungsod sa San Luis, Agusan del Sur.

Si Police Senior Inspector Emersin Bajao, ang station commander sa San Luis Municipal Police Station, niila sa kapitan nga si Rodencio Salamurin sa Barangay San Pedro.

Matud ni Bajao nga sa ilang inisyal nga imbestigasyon, palakaw na sa ilang panimalay ang biktima kay adunay tambungan nga konferensya dihang gibabagan sa tulo ka mga armadong lalaki nga nakabonnet.

Giigong gipataas pa sa biktima iyang kamot aron pagpakita sa pagsurender apan gipusil kini maka upat ka higayon hinungdan sa iyang hinanaling kamatayon.

Nagpagawas dayon og pahayag ang kampo sa New People’s Army (NPA) pag-angkon nga ilang hinimoan ang pagpatay niini.

Kini tungod sa daw sige ug pangdaog-daog, pagtumo-tumo nga sila sa walhong grupo gapangayo og buluhisan ug pangispiya sa rebolosyunaryong kalihokan diha sa kabukiran.