BUOT sa Argentinia nga si Nico Bolzico, kinsa bana usab sa artista nga si Solenn Heussaff, nga sundon sa mamahimong anak ang kulturang Pilipino.

Atol sa pagbisita ni Bolzico sa Siyudad sa Cagayan De Oro niadtong Septiyembre 13 isip maoy endorser sa eco-bricks human gibuksan sa publiko ang pagpakita sa desinyo sa labing una nga balay nga tulo ka andana alang sa mga dunay sakit nga Leukemia ilabi na sa Leukemia Patients and Parents Organization (Leupapo) nibutyag kini sa iyang kahinam nga mamahimong amahan.

Gibutyag ni Bolzico nga sa dili madugay mamahimo na kining amahan ug bisan paman nga usa kini ka Argentinian samtang ang asawa nga si Heussaff usa ka Filipina-French buot sa magtiayon nga sundon sa ilang mamahimong anak nga babaye ang kultura sa Pinoy.

“I want our baby to grow as a Filipino, I want her to go through cultural and introduction, she will be my first Filipino blood,” matud ni Bolzico.

Anaa na sa upat ka bulan nga mabdos ang asawa niini apan excited na ang magti-ayon ug gikompirma nga bisan paman dunay dugo nga French, Pinoy ug Argentinian ang ilang anak puhon apan giingong 100 percent kining Pinoy.

Samtang naghatag usab kini og tambag ngadto sa mga bana ilabi na niining #TheBulliedHusbandClub diin gipasabot niini nga ang ilang mga asawa mga maayo ug angayang itugyan sa bana ang ilang mga kaugalingon tungod kay sa katapusan magkinabuhi kini kauban ang mga kapikas sa kinabuhi.

“The explanation is for all the husband to advocate themselves to their wife because at the end of the day we should live for them,” matud ni Bolzico.