NAKABSAN sa kinabuhi ang usa ka wala pa mailang lalaki human nabangga ang gidrayban nga motorsiklo mga alas 6:10, Sabado, Oktubre 19, sa Bobuntogan Bridge, lungsod sa Jasaan Misamis Oriental.

Pabilin nga walay identipikasyon ang biktima karong panahona.

Sa inisyal nga imbestigasyon sa Jasaan Police Station, nasuta nga ang motorsiklo nga gimaneho sa wala mailang driver ang mipaingon sa pikas lane hinungdan pagkabangga sa atubangan nga bahin sa laing motorsiklo nga gimaneho ni John Sanny Pabellan.

Tungod niini, si Pabellan nag-apply og full brake hinungdan ang misunod niini nga pick-up gimaneho sa usa ka John Vincent Iglesias ang mibangga sab sa likod ngs bahin ni Pabellan.

Apan, nagrabehan ang wala pa maila nga lalaki.

Gitabang ug gidala pa sa balay tambalanan apan dead on arrival.