NAGPLANO ang mga opisyal sa Barangay Carmen pagmugna og departamento alang sa solid waste aron nga matutokan ang problema sa basura sa Barangay.

Gibutyag ni Kagawad Kristian Dale Dabatian sa Solid Waste Management sa barangay nga kini nga departamento magtutok sa pagkolekta sa mga malata nga basura.

Ingon man plano sa barangay nga maghimo og environmental patrol ug barangay street sweepers aron dili na magsalig sa siyudad.

Nagpahimangno usab kini sa katawhan nga angayang atimanon ang mga kaugalingong basura ug dili na magsalig pa sa lokal nga kagamhanan.

Naghangyo usab kini nga magtinabangay aron nga mamahimong hapsay dili lamang ang barangay apan ang tibuok dakbayan. (KCS)