NANGANTI si Misamis Oriental Governor Bambi Emano ngadto sa iyang kaatbang nga nagsige na og batikos kaniya ug nanaway sa iyang programa bisan wala pay campaign period nga mangandam kay naa na siya’y gipreparar nga balos alang kanila.

“I will be answering and reacting to all the very, very early politicking of my opponent. I already made the presentation, I’ll be answering them one after the other,” matud ni Emano.

Kahinumduman nga nahimong isyu ang pagkahugno sa covered court nga pa-imbestigahan sa kaatbang apan sa kaalyado sa iyang kaatbang nga nahugno gihapon ang covered court wala niini giimbestigahan.

Lakip sab sa gibatikos ang iyang programang Misamis Oriental Care System (MisOr Cares) kon diin moabot na sa 1.3 milyon ka serbisyo ang natunol sulod sa upat na ka tuig ug pito ka bulan kon diin 25 ka serbisyo matag bulan kon usa ngadto sa duha matag minuto dunay matabangan.

“While it’s election season, we will answer them one by one and I am actually, we accept their comment because we know it is a successful program because if it was not a successful program they will not give a damn about it. They will not be able to mention it but because it’s very successful. Murag mangga ba nga ang hinog nga mangga ug kadtong tam-is mao man gyod ang labayon diman ang hilaw ug i think ang among programa hinog kaayo,” matud ni Emano.