NAREKOBER sa kapulisan ang armas ug ubang gamit atol sa operasiyon niadtong Disyembre 25, 2019 diha sa Purok 7, Barangay Puerto ning siyudad sa Cagayan de Oro.

Gikabutyag nga nasiplatan ang presensiya sa mga suspek sa pagpanulis sa Manolo Fortich Bukidnon rason nga gikasa ang operasiyon ug malampusong narekober ang 12 gauge mossberg shotgun, usa ka itum nga G SHOCK wrist watch, usa ka silver Casio wristwatch, usa ka itum nga Bushnell binocular, ug duha ka units Samsung 32-inch LED TV.

Ang mga suspetsado nailang sila si Amek Wapin ug Isagani Nalagon alyas Badok kinsa nakaikyas atol sa maong operasiyon ss personahe sa Police Station 6 (PS6) sa Puerto ug kapulisan sa Manolo Fortich MPS.

Nasuta usab sa dugang imbestigasiyon nga si alyas Badok nalambigit sa pagpanulis ug carnapping dinhi sa dakbayan ilabi na sa area sa PS6.

Padayon pa nga gipangita sa mga otoridad ang nahisgutang mga suspek.