IRO ug dili buaya ang gitumbok nga responsabli pagpamatay sa mga kanding sa Barangay Baikingon ning siyudad sa Cagayan de Oro niadtong milabay nga mga adlaw.

Giklaro sa City Veterinary Office nga human sa ilang gibuhat nga pakisusi ilang nasayran nga iro ang miatake ug mikunis-kunis sa lima ka kanding sukwahi sa unang gidudahan nga buaya, sigbin ug uban pa.

Matud ni Dr. Perlas Asis sa City Veterinarian nga ilang gibasihan ang pinaakan sa kanding.

Nanawagan usab si Asis sa mga tag-iya sa mga iro nga unta mamahimong responsabli aron nga dili na makahasol ug makadamyos sa laing mga binuhing hayop sa pipila ka mga residente.

“Base sa samad mga pinaakan gyud ni naay tango nga sama sa iro” pahayag ni Asis.

Mipasalig ang City Veterinary Officenga motabang pagpangita sa iro nga mipaak sa mga kanding ug mihangyo sa nanag-iya og mg iro nga hiktan kini aron dili na masubli ang nahitabo.