MANDO ni Police Regional Office (PRO)-Northern Mindanao Police Brigadier General Rafael Santiago Jr. nga alerto batok sa mga lihok sa terorista ug mga kriminalidad sa gikatakdang ika-upat nga State of The Nation Address (Sona) ni Presidente Rodrigo Duterte Lunes, Hulyo 22, 2019.

Ilang gipalapdan ang pagmintinar sa kahusay ug kalinaw labina sa mga lugar nga posibleng daghan ang raliyesta. Motabang sab sila og giya sa dagan sa trapiko ug makigtambayayong sa mga nagkadaiyang unit lakip lokal nga kagamhanan.

Bout ni Santiago nga pangandaman kini aron mas mapalig-on ang peace and order situation sa lugar.

“We should double our efforts to assure the peaceful and succesful result of the Sona through our strengthened and enhanced security measures together with our counterparts,” pasabot ni Santiago ug niingon nga mas maayong mangandam ug alerto.

“The more that we will be more alert and prepared on the possibility that will happen, the more that we will accomplish our mission,” dugang niini.

Giawhag sab niini ang publiko nga makigtambayayong ug mokooperar sa kapulisan.

Kung dunay mga dautang mamatikdan ireport gyod dayon sa doul nga buhatan. Batasanon sab ang pag-save sa mga emergency hotline numbers aron sayon ug deretso lamang ang pagtawag panahon sa panginahanglan.