USA ka high ranking Communist Party of the Philippines – New People’s Army (CPP-NPA) terrorist ang napatay sa engkentro tali tropa sa gobyerno sa 65th Infantry Battalion (65IB) sa boundary nga bahin sa Bukidnon ug Barangay Pinilayan, Tagoloan II, Lanao del Sur.

Nahitabo kini mga alas 9:40 sa buntag niadtong Dominggo, Nobiyembre 11 diin ang tropa sa sundalo nagpahigayon og operation.

Apan daw gipangrakrakan sa mokabat 70 ka mga gituohang sakop sa Guerilla Front Committee 68.

Niabot ngadto sa 20 minutos ang pagbinayloay og bala nga maoy hinungdan sa nabiyaan ang sakop sa NPA nga napatay kinsa kumander sa platoon 2.

Giila kining si Alyas Allan, usa ka CO sa platoon 2 sa maong grupo.

Nakuha gikan kanila ang M16 rifle, usa AK-47 rifle, unom ka AK-47 magazines nga adunay buhing bala, 14 ka backpacks, 27 ka sako sa bugas medical supplies, ug uban pa nga dokumento nga adunay high intelligence value.

“This yet another meaningless death of a NPA terrorist would not have occurred if only they heeded the government’s call for them to surrender and avail of the benefits of the Enhanced Comprehensive Local Integration Program (E-clip).” Matud ni Brigadier General Eric Vinoya, commander sa 403rd Infantry Brigade nga maoy nagkontrolar sa 65IB.

Iya sab gidayeg ang tropa taliwala usa kanila nasamdan niining maong engkwentro.