NAKABSAN sa kinabuhi ang usa ka lalaki human naligsan niadtong niaging adlaw mga alas 9:40 sa gabii sa National Highway P-5, Brgy. Consuelo, Magsaysay, Misamis Oriental.

Patay si Rolan M. Awayan, 29, minyo, residente sa dapit.

Ang Isuzu Dmax gimaneho ni Joseph Ballero Morales, 31, taga Brgy. San Juan, Gingoog City.

Sa inisyal nga imbestigasyon sa Magsaysay Police Station pangunahan nila ni Police Staff Seargeant Alexies Pandan, Police Corporal Reniel Jay Calope ug Police Corporal James Pat Salva sa Magsaysay Police Station ilang giadtoan ang area ug dinhi ilang naabtan si Awayan nga nagbuy-od sa dalan.

Sa pasiunang imbestigasyon nasuta nga ang sakyanan gikan sa Butuan City paingon sa Cagayan de Oro City ang direksyon apan aksidente niining nabanggaan si Awayan hinungdan sa grabeng kadaot nga naangkon sa lawas.

Dali sab kining gidala sa Misamis Oriental Provincial Hospital sa Magsagsaysay apan dead on arrival nga gideklarar sa mga doktor.

Ang driver gikostudya na uban ang gjmanehong sakyanan niini ug anaa na sa police station.