PATAY ang usa ka lalaki human gituohang nalumos niadtong Hunyo 30 ug napalgan mga alas 12:30 diha sa Quary area, Purok 3, Barangay Gusa, siyudad sa Cagayan De Oro.

Naila ang biktima nga si Antonino Plaza, 38, minyo ug residente sa maong dapit.

Sa nahipos nga impormasiyon gikan sa kapulisan sa Police Station 3 (PS3) sa Agora, nasayran nga napalgan na lang ang patay nga lawas diha sa maong dapit.

Giingong nangaligo kini mga alas 10:30 sa buntag ug nahanaw.

Girespondehan kini sa Oro rescue apan wala nay kinabuhi.

Ang maong patay nga lawas ang kasamtangang gi-atiman na sa nahabiling pamilya.