SAMDAN ang liog ug nagkadugo na ang usa ka lalaki dihang nakita sa iyang ig-agaw sa lungsod sa Opol, Misamis Oriental.

Milanding sa Northern Mindanao Medical Center (NMMC), dakbayan sa Cagayan de Oro, si Renante Bano, 42, ug residente sa Dansolihon, susamang dakbayan.

Gibutyag sa ig-agaw niini nga kauban sila nga nag-inom lakip na ang ilang uyo-an apan nilakaw kini ug sa dihang pagbalik nakurat na lamang sa dihang nagkadugo na si Bano.

Dako ang kakurat niini sa dihang nakitang samaran na ang li-og niini ug giingong gigilitan kini sa iyang kaugalingong uyo-an sa wala masayri nga rason.

Karong panahona padayon pa nga gi-obserbahan sa mga mananambal ang nahisgutang biktima samtang gi-imbestigahan pa kini sa mga otoridad.