GIINGONG dako og papel ang kagamhanan sa Misamis Oriental sa pagkatukod sa Malasakit Center sulod sa Northern Mindanao Medical Center.

Kini gumikan kay si Misamis Oriental Governor Yevgeny Vincente Emano isip chairman sa Special Assistant to the President (SAP) Bong Go movement maoy nitabang sa kaplastaran sa buhatan tungod kay napanglantaw niini nga makatabanga kini og dako sa katawhan.

Ang Malasakit Center gibuksan mismo ni SAP Bong Go niadtong Oktubre 12 diin iyang gipasabot nga usa kini ka one stop shop nga aduna nay mga dagkong buhatan nga deretsong maduolan sama sa Department of Health; Department of Social Welfare and Development ug Philippine Charity and Sweepstakes Office.

Apan alang kang Emano kon ang pundo sab sa Misamis Oriental Care System makatabang sa Malasakit center dili kini niya ihikaw.

Dugang niini nga pwede kaayo siya makahangyo nga magbutang og lamesa sulod sa buhatan alang sa MisOr Cares aron makadoul ang mga nagkinanglan hilabina taga Misamis Oriental.

“Kung ang pundo sa MisOr cares makatabang sa Malasakit Center dili kini nako ihikaw. I think mohangyo mi diha nga magbutang sab og lamesa alang pagtinabanga sa Malasakit ug sa MisOr Cares.” Pasabot ni Emano.