DEAD on the spot ang usa ka lalaki human nibangga sa prime mover niadtong Dominggo sa gabii sa Coastal road, Barangay Lapasan, dakbayan sa Cagayan de Oro.

Ang biktima naila nga si Roldan Sacu-an 36, residente sa lower Solana, Jasaan, Misamis Oriental samtang ang drayber sa prime mover naila nga si Jerson Ensenzo.

Sa nahipos nga impormasiyon, gikabutyag nga nagmaneho ni Sacuan og Honda XRM motorsiklo nga nibangga sa dakong sakyanan.

Subay sa drayber sa prime mover nga kusog ang dagan sa biktima ug posibleng wala na makakontrol sa pagkurbada niini.

Giingong nalatayan pa kini hinungdan sa hinanali nga kamatayon.

Samtang laing biktima usab ang nabanggaan sa Purok 7, Upper Puerto ning dakbayan sa susama nga adlaw kinsa naila nga si Reynaldo Indoy ug nadamyos nga panimalay sa nahisgutang dapit.

Ang maong drayber ang kasamtangang anaa na usab sa Police Station 6 sa Puerto kinsa gitakdang pasakaan og kaso nga reckless imprudence resulting to homicide.