MAAYO nga balita alang sa Simbahang Katoliko ang katuyoan pagbalik sa peace talks sa administrasiyon ni Presidente Rodrigo Duterte aron nga hingpit na nga makab-ot ang kalinaw sa pulo sa Mindanao.

Gibutyag ni Archbishop Antonio Ledesma sa Archdiocese sa St. Augustine Cathedral nga maayo nga balita kining pagbalik sa hisgutanang pangkalinaw.

“Kana maayo nga balita nga gina-allow nato nga mabalik ang peace talks aron nga makakab-ot gyud kita sa malahutay nga kalinaw,” matud ni Ledesma.

Gidugang pa niini nga kung ipaagi kini sa giyera dili gyud magmalahutay ang pagkab-ot sa kalinaw sa nasud nga dugay na nga gipangandoy sa kadaghanan.

“Kay kung ipaagi lang nato sa giyera pag usab murag mas makadaot sa tinuod nga kalinaw ug dili man na makasulbad sa mga problema sa atong sosiyedad karon,” dugang ni Ledesma.