HUGOT nga nakamonitor ang kapolisan sa Misamis Oriental Provincial Police Office (Moppo) ning nagpadayon ang Misa de Gallo sa nagkadaiyang lungsod sa Misamis Oriental.

Gibutyag ni Police Senior Inspector Arlyne Ranario, tigpamaba sa Moppo nga sa pagsugod niadtong December 16 wala silay nakita ug nadawat nga mga crime incidents nga adunay kalambigitan sa pagsugod sa tinuig nga tradisyon sa Romanong Katoliko.

Gipasabot niini nga adunay mga polis nakaalerto ug gi-deploy sa mga simbahan ug uban pang simbahan nga gahimo niini nga tradisyon.

Walay pu-as ang paghatag og seguridad sa kapolisan kay human sa Santos nga Misa ila sab isiguro nga ma monitor ang kahimtang sa trapiko diha sa kadalanan.

Gawas niini gihatag sab nila ang seguridad sa mga nagkadaiyang spots sa probinsya hilabina daghan na mga bakasyunista nga mogawas sulod ug gahidangat sa probinsya.

Dugang ni Ranario nga matag adlaw ang ilang monitoring sa palibot sa Misamis Oriental ug mapasalamaton kini nga ning nagpadayon ang Misa de Gallo malinawon kini kaayo ug gilaumang magsunod sunod na kini.