USA sa maayong balita nga gipaabot ni Department of Transportation Secretary Atty. Arthur Tugade dinhi sa paghidangat sa dakbayan sa Cagayan de Oro mao kining ilang programa sa Land Transportation Franchising and Regulatory Board (LTFRB) nga mao kining Pantawid Pasada Program.

Pipila na sa mga franchiser ug operator ang nakadawat og fuel subsidy nga mobalor og P5,000.

Apan gipasabot ni Tugade nga ila kining patas-an nga moabot na ngadto sa P20,000.

“Yong pantawid pasada tinaasan na namin from P5,000 maging P20,000 at inantay lang namin yong budget of release. Effective this year. Please franchise holder of public utility vehicle take it, avail and use it for your own use,” matud ni Tugade.

Gawas niini nga kalamboan gipasalig sab sa administrasyon ang tsupe-driver program kon asa ang tanan nga mga driver hatagan og scholarship aron mas mapalambo ilang kahibalo sa panginabuhia.

“Pinangako ko sa kanila ang programa ng administrasyon na tsuper driver program na kung saan yong nagmamaneho ng sasakyan ay bibigyan ng scholarship upang mapalawig ang kanilang kaalaman at paghahanap buhay ng pamilya, ito yong programa na tinatablan at dinagdaganan naman ni Governor Bambi Emano,” matud niini.

Si Emano naghatag og P80,000 nga kantidad alang sa driver ug operator sa probinsiya ug siyudad kini dako og ikatabang ngadto sa mga driver samtang gipailawom pa og modernisasyon ang ilang mga sakyanan nga anaa na na sa 20 ka tuig.

Mapasalamaton si Tugade sa lakang ni Emano nga nakigtambayayong sa ilang kampanyan alang sa mga driver ug operation.

“Maraming salamat ho Governor, kanina ina-anunsyo niyo nga tatablahan niyo dito sa inyong lugar yong government subsidy sa inyong mga lugar na gustong magbago ng saksakyan, in fact kayo ang pinaka unang provincial government na nag-o-offer at nakiisa sa national program na magkaroon ng para sa ating mga public utility vehicle drivers,” dugang niini.