TARGET karon sa Police Regional Office sa Northern Mindanao (PRO-10) nga mobalik sa normal nga timbang ang pipila ka mga polis aron dili mameligro ang promosyon.

Ang PRO-10 sa kasamtangan adunay natalang 41 ka mga obese nga nilakip karon sa ikatulong batch sa weight loss program ug 300 sab niini gipaubos sa annual physical fitness test niadtong Enero 14.

"Maayo ni nga programa para madisplina gyud ang atong kapolisan nga atimanon ang ilang lawas," matud ni Police Colonel Mardy Hortillosa, tigmapaba sa PRO 10.

Dugang niini nga ang programa aron madisiplina ang mga kapolisan ug magpabiling himsog ug epektibo ang ilang pagpanalipod sa katawhan ug paghatag seguridad.

Kahindumduman nagbahad si PNP officer-in-charge Lt. Gen. Archie Gamboa nga dili i-promote ang overweight nga mga polis.

Nasayran nga 54 porsento lamang sa kapolisan sa nasod ang adunay normal body mass index, 36 porsento ang overweight ug 9 porsento ang obese.