NAGBUGNO ang managsilingan human nag-abot sa alihanan sa motorsiklo niadtong Oktubre 7 sa Barangay Bulua, dakbayan sa Cagayan de Oro.

Nagpatala si Anna, 34, taga Bulua ug gireklamo ang silingan ug kanhi katrabaho nga si Joan.

Sa impormasiyon, gikabutyag nga duna nay panagbingkil ang duha ilabi na nga kanunay kining ingnon nga baga’g nawong ni Joan ug gi-tsismis nga dunay kabit.

Nisurok ang ilang mga dugo sa dihang aksidenteng nag-abot sa alihanan o parkingan sa mga habal-habal diha sa Bulua ug wala napugngan ang mga gipangbati rason nga niresulta sa panagbugno.

Ang insidente nakatala na sa buhatan sa kapulisan ug giduso na sa Barangay Lupon aron husayon.