DALI na ang resulta ug dili na kinahanglan nga dalahon ang swab sample sa Southern Philippine Medical Center (SMPC) sa Davao City aron didto i-test ang mga gisuspetsahan sa Covid-19 dinhi sa rehiyon.

Gikumpirma ni Dr. Bernard Rocha, ang Medical Specialist II sa Northern Mindanao Medical Center (NMMC), nga karong adlawng Miyerkules himuon ang labing unang testing sulod sa NMMC.

Atol sa Cagayan de Oro daily press briefing adlawng Lunes, gibutyag ni Rocha nga mapasalamaton sila nga ang ilang gipaabot nga cartridges nga maoy mokumpleto sa testing capacity aron maka-operate ang laboratoryo nadala niadtong Domingho sa Philipphine Air Force ug kini moabot sa 1,440 ka cartridges.

Dugang niini nga karon adlawng Lunes ngadto adlawng Martes ang expert gikan sa Research Institute For Tropical Medicine (RITM).

"Sa pagkakaron, our men and women from the our xpert xpress lab had been working. We already been fixing out sa set-up, however we are just going walkthroughs and protocols karon adlawa dayon ugma naa silay supervised online na demonstration nga i supervised by RITM so after that so maka start mi og testing aroun Wednesday," matud ni Rocha ug nipasabot nga aduna na gyud kapasidad ug kapabilidad nga mag testing ang NMMC human sa pipila ka mga proseso nga giagian niini lakip na niini ang pagkuha og lisensya nga mag operate.

Nasayran gikan kang Rocha nga ang recalibrated nga xpert xpress machine ang modagan sa 12 ka oras ug makaproseso og resulta sa 36 swab samples matag adlaw.