PATAY ang usa ka lalaki human nibalitok ang ilang trak nga gisakyan mga alas 12:50 Martes sa kadlawon, Septiyembre 24, sa Barangay Lanao, lungsod sa Alubijid, Misamis Oriental.

Ang trailer truck nga nagdala sa plaka nga plate # KDZ-924, ang gipanag-iyahan ni Vicmar Tapores sa lungsod sa Tagoloan, Misamis Oriental ang gimaneho ni Marlon Buriol, 48, taga Purok 4C, Brgy. Gusa, dakbayan sa Cagayan de Oro ug iyang helper nga Crisanto Ramirez, 31, taga Sugboncogon, lungsod sa Tagoloan.

Basin sa imbestigasyon sa Alubijid Police Station, nasuta nga kagado kini niadtong tungora og Wood Veneer ug nawad-an og preno dihang nagkaproblema sa brake niini.

Miresulta kini nga nipaingon sa kilid nga bahin sa karsada ug nibangga sa poste human niini mibalitok.

Daling gipangdala sa OWWA-Provincial Hospital sa Alubijid ang duha ka mga biktima kinsa nakaangkon og bun-og ug pangos sa kalawasan.

Apan si Ramirez ang nakabsan sa kinabuhi human grabe ang naangkon.

Ang driver giduso karon panahona sa Northern Mindanao Medical Center sa dakbayan sa Cagayan de Oro.