WALA nay natala nga hospital admission sa coronavirus disease 2019 (Covid-19) sa Cagayan de Oro sulod sa tulo ka adlaw, matud sa taho sa City Health Office-Emergency Operation Center.

Ang Cagayan de Oro nakatala usab og zero nga bag-ong kaso sa Covid sa miaging mga adlaw ug upat na lang ka mga pasyente nga positibo sa Covid ang nagpabilin sa isolation unit nga gidumala sa siyudad.

Nagpabilin sa 25,860 ang kinatibuk-ang ihap sa Covid-19 cases sa Cagayan de Oro sukad niadtong Marso 2020.

Nagpabilin usab sa 941 ang ihap sa mga Covid-related nga mga namatay sa syudad, human wala’y natala nga bag-ong patay sa dakbayan. Samtang ang kinatibuk-ang ihap sa mga naayo nga mga pasyente nga positibo sa Covid anaa sa 24,915.

Malaumon ang kagamhanang lokal sa Cagayan de Oro nga magpabiling mabinantayon ang publiko batok sa virus aron magpadayong ubos ang mga kaso sa Covid-19.