WALAY bag-ong kaso sa Covid-19 sa Cagayan de Oro, sumala sa report sa City Health Office ning dakbayan.

Wala pud bag-ong patay nga natala sa siyudad, matud ni City Health Office medical officer Dr. Ted Yu.

Sa pagkakaron, nagpabiling 20,421 ang kinatibuk-ang ihap sa Covid-19 nga mga kaso sa Cagayan de Oro ug 850 ang ihap sa namatay sa Covid-19 sa syudad.

Ang Cagayan de Oro nakatala usab og pag-ubos sa ihap sa mga aktibo nga kaso.

Aduna nay 141 ka mga aktibo nga kaso karon ang dakbayan, 27 niini na-admit sa Northern Mindanao Medical Center ug uban pang mga ospital sa syudad ug 114 ang mga outpatients.

Nakatala usab og upat ka mga Covid-positive nga mga kaso nga karon naka-recover. Anaa na karon sa 19,430 ang ihap sa mga nakarekober nga mga kaso sa dakbayan.